Tua Palavra

|Salmos 8:1| Ijrochilar rahbariga. Soz jo‘rligida. Dovud sanosi.

|Salmos 8:2| Ey Egam, bizning Rabbimiz! Butun yer yuzida Sening noming ulug‘vordir! Osmondan ham yuksakdir Sening shuhrating! ¹

|Salmos 8:3| Dushmanlaringning, qasoskorlarning Ovozini o‘chiray, deya Sen bolalar va chaqaloqlarni O‘z qudratingni so‘ylashga o‘rgatding.

|Salmos 8:4| Qo‘llaring ijodi bo‘lgan osmoningga qaradim, O‘zing joylashtirgan yulduzlaru oyga boqdim.

|Salmos 8:5| Inson zoti nedirki, u haqda o‘ylagaysan?! Bandalar ² nedirki, Sen ularni ardoqlaysan?!

|Salmos 8:6| Sen ularni O‘zingdan ³ andak past qilding, Izzatu sharaf tojini ularga kiygizding.

|Salmos 8:7| Jamiki yaratganing uzra ularni hukmron qilding ⁴, Bor narsani ularning oyog‘i ostiga qo‘yding:

|Salmos 8:8| Jamiki molu qo‘ylarni ham, Barcha yovvoyi hayvonlarni ham,

|Salmos 8:9| Samodagi qushlaru dengiz baliqlarini — Dengizda suzuvchi har xil maxluqlarni. Ha, ularning ustidan insonni hukmron qilding.

₁₀

|Salmos 8:10| Ey Egam, bizning Rabbimiz! Butun yer yuzida Sening noming ulug‘vordir!