Tua Palavra

|Salmos 144:1| Dovudning hamdu sanosi. [1] ¹Ey Xudoyim, Shohim! Seni ulug‘layman! To abad Sening nomingni olqishlayman!

|Salmos 144:2| Har kun Seni olqishlayman, Senga to abad hamdu sano aytaman.

|Salmos 144:3| Egamiz buyukdir, madh etilsin yanada, Aql yetmas Uning buyukligiga.

|Salmos 144:4| Ey Egam, bir nasl boshqasiga maqtar ishlaringni, Ular e’lon qilar qudratli ishlaringni.

|Salmos 144:5| Ular shonli dabdabangni, ulug‘vorligingni so‘ylaydilar, Men esa ajoyib mo‘jizalaring haqida o‘ylayman ².

|Salmos 144:6| Odamlar qo‘rqinchli ishlaring qudrati haqida aytadilar, Men esa buyukligingni e’lon qilgayman.

|Salmos 144:7| Insonlar cheksiz ezguligingni xotirlab, gapiraveradilar. Adolatingni ular sevinch ila kuylaydilar.

|Salmos 144:8| Egamiz inoyatli, rahmdildir, Jahli tez chiqmaydi, sodiq sevgisi mo‘ldir.

|Salmos 144:9| Egamiz har kimsaga himmat qilar, Yaratganlarining har biriga shafqat aylar.

₁₀

|Salmos 144:10| Ey Egam, jamiki yaratganlaring Senga shukr aytar, Jamiki taqvodorlaring Senga olqishlar kuylar.