Tua Palavra

|Salmos 18:1| Ijrochilar rahbariga. Dovud sanosi.

|Salmos 18:2| Xudoning shuhratini samolar namoyon qiladi, Uning ijodini falak toqi aytib turadi.

|Salmos 18:3| Osmon kundan–kunga buni bildiradi, Har tun bundan xabardor qiladi.

|Salmos 18:4| Samo, falak aytmas bir gap, yo bir jumla, Chiqmas ulardan hech bir sado.

|Salmos 18:5| Ammo xabarlari ¹ har tomonga tarqaladi, Olamning chetigacha yetib boradi. Xudo samolarda quyosh uchun chodir qurgan.

|Salmos 18:6| Quyosh go‘shangadan chiqqan kuyovga o‘xshaydi. Qahramonlarga o‘xshab g‘ayrat bilan yo‘lagidan boradi.

|Salmos 18:7| Samolarning bir chetidan u chiqib, Aylanib, boshqa bir chetiga yo‘l oladi, Uning taftidan hech narsa yashirina olmaydi.

|Salmos 18:8| Egamizning qonuni mukammaldir, Bizga u yangi kuch ato etadi, Egamizning farmonlari ishonchlidir, G‘o‘r yoshlarga donolik beradi.

|Salmos 18:9| Egamizning buyruqlari to‘g‘ridir, Qalblarni shodlikka to‘ldiradi, Egamizning amrlari ravshandir, Ular ko‘zlarga nur beradi.

₁₀

|Salmos 18:10| Egamizdan qo‘rqish poklikdir, Bu to abad davom etadi. Egamizning qoidalari haqiqatdir, Hammasi g‘oyat adolatlidir.