Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
O‘zbek tilidagi Muqaddas Kitob 
-
|Salmos 26:1|Dovud sanosi. [1] Egam nurim va najotimdir,Kimdan men qo‘rqardim?! Egam hayotimning qal’asidir, Kim meni qo‘rqita olar?!
-
|Salmos 26:2|Tanasini g‘ajiylik, deb Yovuzlar mening ustimga bostirib kelganda, Ha, g‘animu dushmanlarim menga hujum qilganda, Qoqilib, yiqilib tushadilar.
-
|Salmos 26:3|Hatto butun lashkar meni o‘rab olsa ham, Yuragimda aslo qo‘rquv paydo bo‘lmas. Hatto menga qarshi jangga otlansa ham, Ishonchim hech ham yo‘qolmas.
-
|Salmos 26:4|Bir narsani Egamdan so‘raganman, Ha, Undan istaganim bitta narsadir: Egamning uyida to abad yashay,Egamning jamolini ko‘ray, Ma’badda turib, Unga muntazir bo‘lay.
-
|Salmos 26:5|Kulfatda qolgan kunlarimda U meni O‘z chaylasida omon saqlaydi. Chodiri ostida meni yashiradi, Baland qoya tepasiga o‘tqazib qo‘yadi.
-
|Salmos 26:6|Endi esa har tarafdagi g‘animlarim ustidan Boshim mag‘rur ko‘tarilgandir. Shodlikdan hayqirib, Egamning chodirida qurbonlik keltiraman.Egamni kuylab, qo‘shiq aytaman.
-
|Salmos 26:7|Eshitgin, ey Egam, iltijo qilganimda, Shafqat qilgin, javob ber menga.
-
|Salmos 26:8|“Menga intil!” deganingni qalbim eshitdi, Ha, ey Egam, men Senga intilaman.
-
|Salmos 26:9|Yuzlaringni mendan yashirmagin, G‘azab ila men, O‘z qulingdan voz kechmagin, Madadkorim Sen bo‘lgansan–ku, ey Egam. Rad etma, tark aylama meni, ey najotkorim Xudo!
-
|Salmos 26:10|Ota–onam meni tark etsa hatto, Ey Egam, Sen meni qabul qilasan.
