Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
O‘zbek tilidagi Muqaddas Kitob 
-
|Salmos 55:1|Ijrochilar rahbariga. “Uzoqdagi jim kabutar” kuyiga aytilgan. Filist xalqi Dovudni Gat shahrida tutib olganda 1, uning aytgan qo‘shig‘i.
-
|Salmos 55:2|Shafqat qil menga, ey Xudo, Odamlar meni ta’qib qilmoqda, G‘animlarim kun bo‘yi meni ezmoqda.
-
|Salmos 55:3|Bo‘htonchilar kun bo‘yi meni ta’qib qiladi, Ko‘plari menga hujum qiladi, ey Xudoyi Taolo !
-
|Salmos 55:4|Qo‘rqqanimda Senga umid bog‘layman.
-
|Salmos 55:5|Ey Xudo, kalomingni madh etaman, Qo‘rqmayman, Sendan umid qilaman, Bandang menga ne qila oladi?!
-
|Salmos 55:6|G‘animlarim har doim gapimni buzib ko‘rsatadi, Menga zarar yetkazmoq uchun fitnalar qiladi.
-
|Salmos 55:7|Yovuz niyatda ortimdan pisib keladi, Har bir qadamimni o‘lchab yuradi, Ular hayotimga chek qo‘yishni istaydi.
-
|Salmos 55:8|Jinoyatlari uchun ularni uloqtir 2, Ey Xudo, g‘azabing ila ularni yerga ur!
-
|Salmos 55:9|Sen qayg‘ularimni hisobga olgansan, Ko‘z yoshlarimni idishingga solib yig‘ib qo‘ygin. Axir, ularning har biri kitobingda yozilgan–ku!
-
|Salmos 55:10|Senga iltijo qilgan kunim Dushmanlarim ortga chekinadi. Ha, bilaman, Sen men tomonda.
