Tua Palavra

|Salmos 147:1| Egangni olqishlagin, ey Quddus! Xudoyingga hamdu sano ayt, ey Sion!

|Salmos 147:2| Darvozalaring tambalarini U mustahkam qiladi, Ichingdagi bolalaringga U baraka beradi.

|Salmos 147:3| Shohligingga U tinchlik ato qiladi, Bug‘doyning eng yaxshisi bilan to‘ydiradi.

|Salmos 147:4| Xudo amrlarini yer yuziga yuboradi, Uning aytgan so‘zlari tez yoyiladi.

|Salmos 147:5| U qorni momiq kabi yoyadi, Qirovni kul kabi sochadi.

|Salmos 147:6| Do‘lni ushoq kabi yog‘diradi, Uning sovug‘i oldida kim bardosh bera oladi?!

|Salmos 147:7| Kalomini yuborib, Egamiz muzlarni eritadi, Shamolini esdirib, suvlar oqizadi.

|Salmos 147:8| Yoqub nasliga so‘zini ayon qiladi, Qonun–qoidalarini Isroilga bildiradi.

|Salmos 147:9| Boshqa xalqlarga Egamiz shunday qilmadi, O‘sha xalqlar Uning qonunlarini bilmaydi. Egamizga hamdu sanolar bo‘lsin!