Tua Palavra

|Salmos 3:1| O‘g‘li Absalomdan qochayotgan paytda Dovudning aytgan sanosi.

|Salmos 3:2| Ey Egam! G‘animlarim naqadar ko‘pdir! Menga qarshi qo‘zg‘alganlar qanchalar ko‘pdir!

|Salmos 3:3| Ko‘plar men haqimda: “Xudodan unga najot yo‘q”, — deb aytadilar.

|Salmos 3:4| Ey Egam, Mening qalqonimsan! Shuhratim Sensan! Sen boshimni yuksaltirasan.

|Salmos 3:5| Egamizdan madad so‘rab qilaman faryod, Muqaddas tepaligidan ¹ U menga beradi javob.

|Salmos 3:6| Egamiz meni himoya etgani uchun Yotib uxlab, yana uyg‘onaman.

|Salmos 3:7| Har tomondan meni qurshab turgan O‘n minglarcha g‘animlarimdan qo‘rqmasman.

|Salmos 3:8| Qo‘zg‘algin, ey Egam! Najot ber, ey Xudoyim! Hamma g‘animlarimning yuzlariga urasan, Qabihlarning tishlarini sindirasan.

|Salmos 3:9| Ey Egam! Najot sendan keladi! Barakalaring xalqingga kelsin!