Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
O‘zbek tilidagi Muqaddas Kitob 
-
|Salmos 31:1|Dovud qasidasi. [1] Itoatsizligi kechirilganlar baxtlidir,Egamiz kimning gunohidan o‘tgan bo‘lsa,O‘sha inson baxtlidir.
-
|Salmos 31:2|Egamiz kimning aybini yozmagan bo‘lsa,O‘sha inson baxtlidir, Ruhida hiyla bo‘lmaganlar baxtlidir.
-
|Salmos 31:3|Ey Egam, gunohimni bo‘ynimga olmay, rad qilganimda, Tanam qoq suyak bo‘lib qolgandi, Kun bo‘yi oh–voh qilib chiqardim.
-
|Salmos 31:4|Kecha–kunduz qo‘ling ustimda og‘ir yuk bo‘ldi, Saraton issig‘idagiday madorim qurib qoldi.
-
|Salmos 31:5|Endi oldingda gunohimni e’tirof etdim, Aybimni yashirmay, o‘zim aytdim: “Egam oldida itoatsizligimni bo‘ynimga olaman.” Sen esa mening gunohimni kechirding.
-
|Salmos 31:6|Shu bois har bir taqvodor Vaqt borida Senga ibodat qilsin. Shunda azim suvlar to‘foni Taqvodorlarga yetib bormas.
-
|Salmos 31:7|Sen mening panohimsan, Meni kulfatlardan Sen asraysan, Najot qo‘shig‘i ila meni o‘raysan.
-
|Salmos 31:8|Egamiz aytar: “Sizlarga Men yo‘l ko‘rsataman, Yuradigan yo‘llaringizni o‘rgataman, Maslahat beraman, sizlarni kuzataman.
-
|Salmos 31:9|Ongsiz ot yoki xachir kabi bo‘lmanglar, Ularni yo‘lga solmoq uchun suvluq, jilov kerak, Bo‘lmasa ular yoningizga kelmaydi.”
-
|Salmos 31:10|Fosiqning azobi ko‘pdir, Lekin Egamizdan umidvorlarni Sodiq sevgi qurshab oladi.
