Tua Palavra

|Salmos 48:1| Ijrochilar rahbariga. Ko‘rax naslining ¹ sanosi.

|Salmos 48:2| Eshitinglar, ey xalqlar, Quloq soling, olam ahli,

|Salmos 48:3| Ey insonlar, jamiki odamzod, Boylaru faqirlar, quloq solingiz!

|Salmos 48:4| Og‘zimdan to‘kiladi dono so‘zlar, Qalbimning mushohadasi ham idroklidir.

|Salmos 48:5| Qulog‘imni hikmatga buraman, Ma’nosini lira bilan anglataman.

|Salmos 48:6| Nega qo‘rqishim kerak qaro kunlarda?! Nega qo‘rqishim kerak ta’qib qiluvchilar Qabih ishlari bilan meni o‘rab olganlarida?!

|Salmos 48:7| Ular mol–mulkiga ishonadilar, Behisob boyliklari ila maqtanadilar.

|Salmos 48:8| Axir, hech kim hayotini ² pul to‘lab qutqara olmas, Yoki uning uchun Xudoga to‘lov berolmas.

|Salmos 48:9| Inson hayoti uchun to‘lov g‘oyat qimmatdir, Hech qanday to‘lov yetarli bo‘lmas.

₁₀

|Salmos 48:10| Yo‘qsa inson to abad yashardi, Qabr yuzini aslo ko‘rmasdi.