Tua Palavra

|Salmos 32:1| Эй, инсафлылар, РАББИ ичюн къычырып севининъиз! Догъру юреклилерге шукюр сёзлери яраша.

|Salmos 32:2| Сантыр чалып, РАББИге шукюр этинъиз, Он телли арфада Онъа чалгъы чалынъыз!

|Salmos 32:3| Онъа янъы бир йыр йырланъыз, Онъа къычырып, усталыкънен йырланъыз!

|Salmos 32:4| РАББИнинъ сёзю догърудыр, Онынъ бутюн ишлери ишанчлыдыр!

|Salmos 32:5| О, акъикъат ве адалетни севе; дюнья РАББИнинъ севгисине толды.

|Salmos 32:6| Коклер РАББИнинъ сёзюнен яратылгъан, бутюн кок ордулары Онынъ Рухунен япылгъан.

|Salmos 32:7| О, денъиз сувларыны обалап къойгъан, тюбю олмагъан чукъурларны Озь анбарына ерлештирген.

|Salmos 32:8| Бутюн ер юзю РАББИден къоркъсун, дюньяда яшагъанларнынъ эписи Онынъ огюнде къалтырасын!

|Salmos 32:9| О, айтты — айткъаны олды; О, буюрды — эмири беджерильди.

₁₀

|Salmos 32:10| РАББИ башкъа миллетлернинъ ниетини боза, халкъларнынъ мурадыны ёкъ эте.