Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Salmos 10:1|Баш чалгъыджы ичюн. Давутнынъ зебуры. [1] Мен РАББИге умют багълайым.Сизлер насыл этип, джаныма дейсиз: «Къуш киби, дагъынъызгъа учып кет.
-
|Salmos 10:2|Бакъынъыз, инсафсызлар яйларыны тартып, адалетли яшагъан адамларны къаранлыкъта атмакъ ичюн, окъларыны яйгъа къурдылар.
-
|Salmos 10:3|Темеллер бозулгъан сонъ, инсафлы адам не япаджакъ?»
-
|Salmos 10:4|РАББИ Озь Мукъаддес Сарайындадыр. РАББИ коклерде, Озь тахтында отура. Онынъ козьлери корелер; Онынъ бакъышы инсан огъулларыны сынавдан кечире.
-
|Salmos 10:5|РАББИ инсафлы адамны сынап бакъа, лякин инсафсыз адамны ве зорбалыкъны севген адамны Онынъ кореджек козю ёкъ.
-
|Salmos 10:6|Инсафсызларнынъ башына О, янгъан къорны, ягъмур киби, ташлайджакъ, эм де атеш ве кукюрт ягъдыраджакъ, куйдюрген ель де оларнынъ къысмети оладжакъ.
-
|Salmos 10:7|РАББИ инсафлыдыр, О, адалетни севе. Догъру яшагъан адамлар Онынъ юзюни кореджеклер.
