Tua Palavra

|Salmos 108:1| Баш чалгъыджы ичюн. Давутнынъ зебуры. [1] Эй, мен макътагъан Аллам, сесинъни кесме!

|Salmos 108:2| Ярамайлар ве хаинлер агъызларыны ачып, манъа ялан айталар.

|Salmos 108:3| Олар нефрет сёзлеринен мени сарып алдылар, себепсиз манъа къаршы силяландылар.

|Salmos 108:4| Севгим ичюн манъа душманлыкъ япалар, мен исе дува окъуйым.

|Salmos 108:5| Яхшылыгъым ичюн яманлыкъ этелер, севгиме къаршы нефрет берелер.

|Salmos 108:6| Бойле адамнынъ башына ярамай адамны къой, къабаатлайыджы турсун онынъ онъ тарафында.

|Salmos 108:7| О, суд къаршысына кельгенде, къабаатлы олып чыкъсын, дувасы гуна киби эсаплансын.

|Salmos 108:8| Омрю къыскъа олсун, онынъ ерине башкъасы отурсын.

|Salmos 108:9| Балалары оксюз къалсын, апайы тул олсун.

₁₀

|Salmos 108:10| Огъуллары доланып тиленджилик япсын, озь виранелеринде отьмек сорасын.