Tua Palavra

|Salmos 87:1| Йыр. Къорах огъулларынынъ зебуры. Баш чалгъыджы ичюн. Аль-махалат леаннот. Эзрахлы Хеманнынъ маскили.

|Salmos 87:2| Я РАББИ, Алла-Къуртарыджым, гедже-куньдюз Санъа фигъан къопарам.

|Salmos 87:3| Дувам алдынъа етип барсын, меним фигъаныма къулакъ ас!

|Salmos 87:4| Мусибетлерден джаным тойды, олюлер дюньясына аятым якъынлашты.

|Salmos 87:5| Мезаргъа кетеяткъанларнен бир олдым, кучьтен кесильген адам киби олдым.

|Salmos 87:6| Олюлер арасына ташлангъаным, мезарда яткъан джесетлер киби. Сен оларны энди хатырламайсынъ, олар тюшип кеткен къолунъдан.

|Salmos 87:7| Сен мени энъ терен чукъургъа къойдынъ, къаранлыкъ, тюпсюзлик ичине ташладынъ.

|Salmos 87:8| Гъазабынъ устюме агъыр юк киби чёкти, бутюн далгъаларынънен мени эзип ташладынъ. Сэла

|Salmos 87:9| Танышларымны менден узакълаштырдынъ, мени олар ичюн игренч яптынъ; мен къапалдым, чыкъып оламайым.

₁₀

|Salmos 87:10| Яныкътан козьлерим зайыфлашты. Я РАББИ, Сени бутюн кунь чагъыра эдим, къолларымны Санъа таба узаттым.