Tua Palavra

|Salmos 101:1| Такъаттан кесильген, къасеветини РАББИнинъ алдына тёккен заваллынынъ дувасы.

|Salmos 101:2| Я РАББИ, дувамны эшит, ярдым къычырувым Санъа етип барсын!

|Salmos 101:3| Беля баскъан кунюмде Сен менден юзь чевирме, сесиме къулакъ ас, Сени чагъыргъан кунюмде манъа тез джевап бер!

|Salmos 101:4| Мына, куньлерим тютюн киби ёкъ олып кетти, кемиклерим атеште янгъан къарачыкълар киби!

|Salmos 101:5| Юрегим — къуругъан ве йыкъылгъан от киби, отьмегимни ашамагъа биле унутам.

|Salmos 101:6| Аджыныкълы инъильдегенимден, терим кемигиме япышып къалды.

|Salmos 101:7| Мен сахра пугъусына, харабеде къонгъан байкъушкъа ошайым.

|Salmos 101:8| Козюме юкъу кирмей, дам устюнде ялынъыз къалгъан къуш киби отурам.

|Salmos 101:9| Душманларым эр кунь мени акъаретлейлер, мени мыскъыллагъанлар меним адымнен лянет этелер.

₁₀

|Salmos 101:10| Мен кульни отьмек киби ашайым, ичимлигимни козьяшымнен къарыштырам.