Tua Palavra

|Salmos 59:1| Баш чалгъыджы ичюн. «Шушан эдут» авасында. Давутнынъ миктамы. Огретюв ичюн.

|Salmos 59:2| Давут Арам-Нахараим ве Арам-Цованен дженк эткенде, Ёав къайтып, 12 000 эдомлыны Туз вадийинде ургъаны акъкъында язылгъан йыр.

|Salmos 59:3| Эй, Алла, Сен бизлерни ташлап кеттинъ, сыраларымызны ярып къойдынъ, бизлерге гъазапландынъ. Бизге чевириль!

|Salmos 59:4| Сен ерни тепреттинъ, оны ярдынъ. Энди исе бозукъ ерлерини тедавийле, чюнки ер тепрене бере.

|Salmos 59:5| Сен Озь халкъынъа агъыр азаплар бердинъ, бизге серсемлетиджи шарапны ичирдинъ.

|Salmos 59:6| Сенден къоркъкъанлар огърунда Сен байракъ котердинъ, олар онынъ янына яйдан къуртулып къачсынлар! Сэла

|Salmos 59:7| Сенинъ севгенлеринъ къуртулсынлар! Сенинъ онъ къолунънен оларны къуртар! Джевап бер манъа!

|Salmos 59:8| Алла Озь азиз еринде деди: «Мен Шекемни тантана иле боледжегим, Сукъкъот вадийини ольчейджегим.

|Salmos 59:9| Гилад Меним, Менашше де Меним. Эфраим — башымдаки къале, Ехуда — падишалыкъ таягъым.

₁₀

|Salmos 59:10| Моав — ювунгъан чанагъым; Эдом устюне чызмамнен басаджагъым. Фелестин топрагъында Мен гъалебе къазанып къычыраджагъым!»