Tua Palavra

|Salmos 49:1| Асафнынъ зебуры. [1] Аллаларнынъ Алласы, РАББИ буюрды, кунешнинъ догъгъан еринден баткъан еринедже О, ер юзюни чагъырды.

|Salmos 49:2| Алла гузельден-гузель Сиондан парылдады.

|Salmos 49:3| Алламыз келе, индемей турмаз. Онынъ огюнде — эр шейни якъаджакъ атеш, этрафында исе — кучьлю боран.

|Salmos 49:4| Озь халкъына суд этмек ичюн, О, ер юзюни ве юкъарыдан коклерни чагъыра:

|Salmos 49:5| «Мен азизлериме Озь васиетимни къурбан вастасынен бердим. Энди оларны Манъа топланъыз», — дей.

|Salmos 49:6| Коклер Онынъ акъикъатыны бильдиреджеклер, Алланынъ Озю — Укюм Чыкъарыджыдыр. Сэла

|Salmos 49:7| «Эй, халкъым, динъле, Мен айтаджагъым! Эй, Исраиль, санъа къаршы шаатлыкъ береджегим. Мен — Аллам, Сенинъ Алланъ.

|Salmos 49:8| Бахшышларынъ ичюн сени тазирлемейджегим, бутюнлей якъылгъан къурбанларынъ эр вакъыт къаршымда.

|Salmos 49:9| Мен не эвинъдеки тананы, не къошларынъдаки эчкилерни истейим.

₁₀

|Salmos 49:10| Орманларнынъ бутюн айванлары Менимки, бинъ къыр устюнде яшагъан джанаварлар да Менимки.