Tua Palavra

|Salmos 18:1| Баш чалгъыджы ичюн. Давутнынъ зебуры.

|Salmos 18:2| Коклер Алланынъ шуретини бильдире, кок къуббеси Онынъ яраткъаны акъкъында хабер бере.

|Salmos 18:3| Коклер куньден-куньге лаф эте, геджелери олар бильги сачалар.

|Salmos 18:4| Эр бир тильде, эр бир шиведе оларнынъ сеси эшитиле.

|Salmos 18:5| Оларнынъ сеси бутюн ер юзюнден кече, оларнынъ хабери дюньянынъ четине ете. Алла кунеш ичюн анда мескен япты;

|Salmos 18:6| кунеш, никях одасындан киев киби, чыкъа, батыр киби, къуванып, озь месафесини чапып кече.

|Salmos 18:7| Онынъ чыкъкъан ери — кокнинъ четиндедир, ёлу исе башкъа четине бара, сыджагъындан ич бир шей сакъланмаз.

|Salmos 18:8| РАББИнинъ Къануны мукеммельдир, о, джангъа кучь бере. РАББИнинъ шаатлыгъы догърудыр, о, саде адамгъа акъыл бере.

|Salmos 18:9| РАББИнинъ къаиделери догърудыр, олар юрекни къувандыра. РАББИнинъ эмири темиздир, о, козьлерни ярыкълата.

₁₀

|Salmos 18:10| РАББИден къоркъмакъ — темиз ве эбедийдир, РАББИнинъ къарарлары керчек ве бутюнлей догърудыр.