Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Salmos 64:1|Баш чалгъыджы ичюн. Давутнынъ зебуры. Йыр.
-
|Salmos 64:2|Эй, Алла, макътавлар Сени Сион дагъында беклей. Санъа берильген адакълар беджериледжек.
-
|Salmos 64:3|Сен дуваны эшитесинъ, бутюн инсанлар Санъа келеджек.
-
|Salmos 64:4|Гуналы ишлер мени енъелер, амма Сен къабаатларымызны багъышларсынъ.
-
|Salmos 64:5|Сен сайлагъан ве Озюнъе чеккен адам, Сенинъ азбарларынъда яшайджакъ адам не де бахтлыдыр! Биз Сенинъ Эвинънинъ, Мукъаддес Сарайынънынъ яхшылыгъындан тояджакъмыз.
-
|Salmos 64:6|Эй, Алла, бизим Къуртарыджымыз, догъру укюм чыкъаргъанда, Сен къоркъунчлысынъ, Сен бизге джевап бересинъ. Ернинъ бутюн четлеринде, узакъ денъизлерде олгъанлар биле Санъа ишаналар.
-
|Salmos 64:7|Озь кучюнънен дагъларны къойгъансынъ, батырлыкъны белинъе саргъансынъ.
-
|Salmos 64:8|Сен денъизлернинъ давушыны, далгъаларнынъ шувулдысыны, халкъларнынъ исьяныны токътатасынъ.
-
|Salmos 64:9|Ер юзюнинъ башкъа тарафында яшагъанлар Сенинъ япкъанларынъны корип къоркъаджакълар. Сен кунь догъгъан ве кунь баткъан ерлерни де Озь шуретинъе кетиреджексинъ.
-
|Salmos 64:10|Сен ерни зиярет этип, оны сувгъа тойдурасынъ ве оны зенгинлештиресинъ. Алланынъ дерьясы сувгъа толып таша. Сен ашлыкъ азырлайсынъ, чюнки ер юзюни ойле яраткъансынъ.
