Tua Palavra

|Salmos 138:1| Баш чалгъыджы ичюн. Давутнынъ зебуры. [1] Я РАББИ, Сен мени сынадынъ, эм де билип алдынъ.

|Salmos 138:2| Отурып-тургъанымны Сен билесинъ, тюшюнджелеримни узакътан анълайсынъ.

|Salmos 138:3| Юргенимде де, раатлангъанымда да Сен мени бакъасынъ, бутюн ёлларымны Сен эвельден билесинъ.

|Salmos 138:4| Даа бир сёзни агъзыма алмаздан эвель, Сен бутюн айтаджагъымны билесинъ, я РАББИ!

|Salmos 138:5| Огюмден ве артымдан мени сарып аласынъ, Озь къолунъны устюме къоясынъ.

|Salmos 138:6| Сени бильмек меним ичюн пек аджайип, юксектир о, акълым етмез онъа.

|Salmos 138:7| Сенинъ Рухунъдан къайда кетмек мумкюним? Сенинъ огюнъден къайда къачып олурым?

|Salmos 138:8| Эгер кокке чыкъсам — Сен о ердесинъ, олюлер дюньясына тюшсем — анда да Сенсинъ.

|Salmos 138:9| Шефакъ къанатларыны алып учсам, денъизнинъ узакъ четине кочип ерлешсем,

₁₀

|Salmos 138:10| о ерде де Сенинъ къолунъ манъа ёл косьтерир, онъ къолунъ мени тутар.