Tua Palavra

|Salmos 76:1| Баш чалгъыджы ичюн. Едутун ичюн. Асафнынъ зебуры.

|Salmos 76:2| Аллагъа сесимни юксельтирим, Оны чагъырырым, Аллагъа сесимни юксельтирим, О, манъа къулакъ асар.

|Salmos 76:3| Беля кунюмде Раббини къыдырдым, гедже къолумны котерип, ич тюшюрмейджегим, джаным исе теселлини ред эте.

|Salmos 76:4| Алланы хатырлап, инъильдедим, тюшюнджеге далып, джаным зайыфлашты. Сэла

|Salmos 76:5| Сен козь юммагъа ёл бермединъ, джаным раатсыз эди, лафларым кесильди.

|Salmos 76:6| Мен эски куньлерни, кечкен девирлерни тюшюндим.

|Salmos 76:7| Геджелери йырларымны хатырлап, юрегимнен субетлештим, рухум исе менден сорады:

|Salmos 76:8| «Рабби бизни эбедиен ташладымы, разылыгъыны энди бермейджекми?

|Salmos 76:9| Онынъ севгиси бутюнлей ёкъ олдымы, келеджек несиллерге Сёзю кечмейджекми?

₁₀

|Salmos 76:10| Алла мерамет эйлемекни унуткъанмы, шефкъатыны гъазап къапладымы?» Сэла