Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Salmos 17:1|Баш чалгъыджы ичюн. РАББИнинъ къулу акъкъында. РАББИ Давутны эписи душманларындан ве Шаулнынъ къолундан къуртаргъан куню, Давут РАББИге бу йырны йырлады:
-
|Salmos 17:2|Сени севем, я РАББИ! Сен меним къуветимсинъ!
-
|Salmos 17:3|РАББИ — меним къаям, меним къалем ве меним къуртарыджымдыр! Аллам — меним къаям, мен Онъа умют багълайым. О — меним къалкъаным, къуртулышымнынъ къувети, меним юксек, енъильмез керменим!
-
|Salmos 17:4|Макътавгъа ляйыкъ РАББИмни чагъыраджагъым, ве О, мени душманларымдан къуртараджакъ.
-
|Salmos 17:5|Олюм йиплери мени сарып алды, акъсызлыкънынъ дерьялары мени зияде къоркъузды.
-
|Salmos 17:6|Джеэннем зынджыры мени багълады, олюм тузакълары мени якъалады.
-
|Salmos 17:7|Башым беляда къалгъанда, РАББИмни чагъырдым, Алламдан имдат истедим. Сарайындан О, сесимни эшитти, яйгъаргъаным Онынъ къулагъына барып етти.
-
|Salmos 17:8|О, гъазаплангъаны ичюн, ер юзю тепренип титреди, дагъларнынъ темеллери сарсылып, еринден къыбырдады.
-
|Salmos 17:9|Бурнундан тютюн чыкъты, агъзындан эр шейни ёкъ этиджи атеш фышкъырды, алевленген комюр сепильди.
-
|Salmos 17:10|О, коклерни ачып, ашагъы тюшти, аякъларынынъ тюбюнде къаранлыкъ эди.
