Tua Palavra

|Salmos 114:1| РАББИни севем! О, меним ялварувымны, меним сесимни эшитти.

|Salmos 114:2| О, манъа къулакъ аскъаны ичюн, омюрбилля Оны чагъырырым!

|Salmos 114:3| Олюм багълавлары мени сарды, джеэннем азаплары башыма тюшти, сыкъынты ве беля мени басып алды.

|Salmos 114:4| О вакъыт РАББИнинъ Адыны чагъырдым, «Я РАББИ, джанымны къуртар», — дедим.

|Salmos 114:5| РАББИ рахман ве адалетлидир, Алламыз мераметлидир.

|Salmos 114:6| РАББИ адий инсанларны сакълай. Мен белягъа огърагъанымда, О, мени къуртарды.

|Salmos 114:7| Эй, джаным, раатлыкъ ерине бир даа къайт, чюнки РАББИ санъа эйилик япты!

|Salmos 114:8| Джанымны олюмден, козьлеримни яштан, аякъларымны таймакътан Сен къуртардынъ, я РАББИм!

|Salmos 114:9| Тирилер дюньясында РАББИнинъ алдында юрерим!