Tua Palavra

|Salmos 70:1| Я РАББИ, мен Санъа сыгъынам, эбедий масхара олмайым!

|Salmos 70:2| Догърулыгъынъ хатири ичюн мени къорчала ве сакъла мени, къулагъынъны меним тарафыма чевир ве къуртар мени!

|Salmos 70:3| Сен мен ичюн сакълангъан къая ол, эр вакъыт къачып, сакълангъан ерим олсун! Сен мени къуртармагъа буюрдынъ; къаям ве къалем Сенсинъ!

|Salmos 70:4| Эй, Аллам, мени ярамай адамдан, къанун бозгъан адамдан ве залымнынъ панджасындан къуртар!

|Salmos 70:5| Меним умютим Сенсинъ, я РАББИ-ТААЛЯ, яшлыгъымдан берли Санъа ишандым!

|Salmos 70:6| Догъулгъанымдан мен Санъа таяндым, анамнынъ къурсагъындан Озюнъ мени чыкъардынъ, Сени макътамагъа токътамам.

|Salmos 70:7| Мен чокъларнынъ козюнде аджайип бир шей эдим, амма Сен — меним къудретли сыгъынагъым.

|Salmos 70:8| Агъзым Сени эр вакъыт макътасын, Сенинъ гузеллигинъни эр кунь бильдирсин.

|Salmos 70:9| Къартайгъанымда, мени ташлап кетме, къуветим биткенде, мени къалдырма!

₁₀

|Salmos 70:10| Душманларым манъа къаршы яман сёзлер айталар, джанымны алмагъа истегенлер озьара анълашалар.