Tua Palavra

|Salmos 37:1| Давутнынъ зебуры. Хатырлав ичюн.

|Salmos 37:2| Я РАББИ, ачувынъда тазирлеме мени, гъазабынъда мени джезалама!

|Salmos 37:3| Сенинъ окъларынъ манъа санчылды, къолунъ устюме агъыр басып тюшти.

|Salmos 37:4| Гъазабынъдан беденимде сагълам ер къалмады, гуналарымдан кемиклерим раат олмай.

|Salmos 37:5| Меним яманлыкъларым башымдан ташты, агъыр юк киби, устюме басты.

|Salmos 37:6| Акъылсызлыгъымдан яраларым иринлеп сасымакъта.

|Salmos 37:7| Белим букюлип, чёкип къалдым, кунь бою гъам ичип юрем.

|Salmos 37:8| Белим атеш ичинде, беденимде сагълам ер къалмады.

|Salmos 37:9| Такъаттан кесильдим ве пек эзильдим, юрегим сызлагъанынен къычырам.

₁₀

|Salmos 37:10| Я Рабби! Бутюн тилеклерим Сенинъ алдынъда, агълагъаным Сенден гизли дегиль.