Tua Palavra

|Salmos 103:1| Эй, джаным, РАББИни алгъышла! Аллам я РАББИ, Сен пек улусынъ, шан-шуретке кийингенсинъ!

|Salmos 103:2| Сен ярыкъны урба киби киесинъ, коклерни перде киби джаясынъ!

|Salmos 103:3| Сарайынънынъ юкъары одаларыны кок къуббеси устюнде къургъансынъ, булутларны Озюнъе араба этип, ельнинъ къанатлары устюнде кезесинъ.

|Salmos 103:4| Сен мелеклеринъни еллерге чевиресинъ, хызметчилеринъни алевленген атешке айландырасынъ.

|Salmos 103:5| Ер эбедиен тепренмесин деп, оны къатты темель устюне къойгъансынъ.

|Salmos 103:6| Онъа учурымны урба киби кийдиргенсинъ, сувлар дагъларнынъ башына етип барды.

|Salmos 103:7| Сенинъ серт эмиринъден олар акъты, Сесинъ гудюрдисинден тез къачып кеттилер.

|Salmos 103:8| Олар дагъларгъа чыкътылар, вадийлерге тюштилер, Сен бельгилеген ерге акътылар.

|Salmos 103:9| Сен оларгъа сынъыр къойдынъ, сувлар оны кене кечип кетмез, ерни кене къапламагъа сув ташкъыны къайтмаз.

₁₀

|Salmos 103:10| Вадийлерде чешмелерни ачып йибердинъ, олар дагълар арасындан акъа,