Tua Palavra

|Salmos 96:1| РАББИ — Падишадыр! Ер юзю къувансын, чокъ адалар севинсин!

|Salmos 96:2| Булутлар ве къаранлыкъ — Онынъ этрафында, догърулыкъ ве адалет — тахтынынъ темелидир!

|Salmos 96:3| Онынъ огюнде атеш юре, этрафтаки душманларны якъып ташлай.

|Salmos 96:4| Онынъ яшынлары дюньяны ярыкълата, ер юзю буны корип титрей.

|Salmos 96:5| РАББИнинъ огюнде, бутюн ернинъ Эфендиси огюнде дагълар балавуз киби ирип кете.

|Salmos 96:6| Коклер Онынъ догърулыгъыны бильдире, Онынъ шуретини бутюн халкълар коре.

|Salmos 96:7| Утансын путларгъа хызмет эткенлер, бош путларынен макътанып юргенлер! Аллаларнынъ эписи, РАББИге ибадет этинъиз!

|Salmos 96:8| Я РАББИ, Сенинъ къарарларынъны эшитип, Сион къувана, Ехуданынъ шеэрлери севине.

|Salmos 96:9| Я РАББИ, бутюн ер юзюнинъ энъ Юджеси Сенсинъ, бутюн аллаларнынъ устюнден Сен юкъарысынъ!

₁₀

|Salmos 96:10| Эй, РАББИни севгенлер, яманлыкътан нефретленинъиз! Озь азизлерининъ джаныны О, сакълай, ярамайларнынъ къолундан оларны къуртара.