Tua Palavra

|Salmos 88:1| Эзрахлы Этаннынъ маскили.

|Salmos 88:2| Я РАББИ, Сенинъ буюк севгинъ акъкъында эбедиен йырлайджагъым, акъикъатынъны бутюн несиллерге бильдиреджегим!

|Salmos 88:3| Севгинъ эбедиен къатты турар, дедим; акъикъатынъны коклерде ерлештирдинъ!

|Salmos 88:4| «Мен Озь сайлагъаныма васиет бердим, къулум Давуткъа ант эттим:

|Salmos 88:5| Сенинъ союнъ эбедиен кесильмез, эвлятларынъ несиллернинъ эписине падишалыкъ этер». Сэла

|Salmos 88:6| Я РАББИ, коклер Сенинъ аджайип ишлеринъни шуретлер, азизлер топлашувында акъикъатынъны макътарлар!

|Salmos 88:7| Коклерде РАББИге тенъ бармы? Алланынъ огъуллары арасында РАББИ киби сою бармы?

|Salmos 88:8| Азизлернинъ буюк топлашувында Алла къоркъунчлы, этрафындакилернинъ эписи ичюн О, къоркъунчлыдыр.

|Salmos 88:9| Я РАББИ, Ордуларнынъ Алласы! Сен киби къудретли кимдир, я РАББИ? Акъикъатынъ бутюн этрафынъны сарды!

₁₀

|Salmos 88:10| Сен къутургъан денъизге падишалыкъ этесинъ, далгъалары котерильгенде, оларны Сен тынчландырасынъ.