Tua Palavra

|Salmos 53:1| Баш чалгъыджы ичюн. Телли чалгъы алетлеринде. Давутнынъ маскили.

|Salmos 53:2| Зифлилер Шаулнынъ алдына барып: «Давут бизим арамызда сакълана», — деген вакъытта Давут бу йырны язды.

|Salmos 53:3| Эй, Алла, Адынъ иле мени къуртар, къудретинъ иле мени догъру суд эт!

|Salmos 53:4| Эй, Алла, дувамны динъле, агъзымдан чыкъкъан сёзлериме къулакъ ас.

|Salmos 53:5| Ябанджы адамлар манъа къаршы чыкъты, мераметсиз адамлар джанымны алмагъа истей; оларнынъ алдында Алла ёкъ. Сэла

|Salmos 53:6| Мына, Алла манъа ярдымджыдыр, Рабби джаныма кучь бере.

|Salmos 53:7| О, меним душманларымны яманлыкълары ичюн мытлакъа джезалайджакъ. Ишанчлы олып, оларны ёкъ эт!

|Salmos 53:8| Санъа озь истегимнен къурбан чаладжагъым, Адынъны шуретлейджегим, я РАББИ, чюнки Сенинъ Адынъ эйидир!

|Salmos 53:9| Сен мени бутюн белялардан къуртардынъ, ве козьлерим енъильген душманларымны корьди.