Tua Palavra

|Salmos 82:1| Йыр. Асафнынъ зебуры.

|Salmos 82:2| Эй, Алла, индемей турма, сесинъни кесме, арекетсиз къалма, эй, Алла!

|Salmos 82:3| Мына, Сенинъ душманларынъ шамата къопара, Сенден нефрет эткенлер баш котерелер.

|Salmos 82:4| Сенинъ халкъынъа къаршы фитнеджилик япалар, Сен къорчалагъан адамларынъа къаршы акъыл танышалар.

|Salmos 82:5| «Барайыкъ да, оларны халкълар сырасындан ёкъ этейик, Исраильнинъ ады башкъа хатырланмасын!» — дедилер.

|Salmos 82:6| Олар бир юрек олып, Санъа къаршы анълашма тиздилер.

|Salmos 82:7| Мына, Эдом ве Исмаилнинъ чадырлары, Моав ве хагрийлилер,

|Salmos 82:8| Гивал, Аммон ве Амалек огъуллары, фелестинлилер эм де Тир сакинлери.

|Salmos 82:9| Ашшур да оларгъа къошулып, Лут огъулларына кучь берди. Сэла

₁₀

|Salmos 82:10| Сен Кишон вадийинде мидьянлыларгъа, Сисера ве Явинге япкъанынъны оларгъа да яп.