Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Salmos 145:1|Эльхамдюлилля! Эй, джаным, РАББИни макъта!
-
|Salmos 145:2|Омюрбилля РАББИни макътарым, сагъ олгъанымда, Аллагъа йырларым!
-
|Salmos 145:3|Ишанманъыз мырзаларгъа, къуртарып оламайджакъ адамларгъа!
-
|Salmos 145:4|Адамнынъ руху чыкъып, о, озь топрагъына къайта, ве о куню бутюн ниетлери ёкъ олып кетелер.
-
|Salmos 145:5|Якъупнынъ Алласы ярдым эткен адам, РАББИ олгъан Алласына умют эткен инсан бахтлыдыр!
-
|Salmos 145:6|О, ер юзюни, кокни ве денъизни, олардаки эр бир шейни де яратты! Эбедиен О, ишанчлы!
-
|Salmos 145:7|О, эзильгенлерге адалетли укюм эте, ачларгъа отьмек бере! РАББИ эсирлерни азат эте!
-
|Salmos 145:8|РАББИ сокъурларнынъ козюни ача, эр бир бели букюльгенни О, котерип турсата! РАББИ инсафлыларны севе!
-
|Salmos 145:9|РАББИ ят халкълардан олгъанларны къорчалай, оксюзлерге ве тул апайларгъа ярдым эте, ярамайларнынъ ёлуны исе боза.
-
|Salmos 145:10|Эй, Сион! Сенинъ Алланъ олгъан РАББИ эбедиен несильден несильге Падиша олур! Эльхамдюлилля!
