Tua Palavra

|Salmos 123:1| Давутнынъ зиярет йыры. [1] Десин Исраиль: — Эгер РАББИ бизнен олмаса эди,

|Salmos 123:2| эгер РАББИ бизнен олмаса эди, адамлар бизге къаршы чыкъкъанда,

|Salmos 123:3| бизге къаршы гъазаплангъанда, олар бизни тири-тири ютар эди,

|Salmos 123:4| сувлар бизни богъар эди, джанымыз устюнден селлер кечер эди,

|Salmos 123:5| джанымыз устюнден сув ташкъыны кечер эди.

|Salmos 123:6| РАББИге бинъ шукюрлер олсун, чюнки оларгъа бизни тишлернен йыртмагъа ёл бермеди.

|Salmos 123:7| Бизим джанымыз, бир къуш киби, авджыларнынъ тузагъындан къачып къуртулды. Тузакъ парланды, биз къачып къуртулдыкъ!

|Salmos 123:8| Ярдымымыз — РАББИнинъ Адында, ер ве кокнинъ Яратыджысында!