Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Salmos 39:1|Баш чалгъыджы ичюн. Давутнынъ зебуры.
-
|Salmos 39:2|Мен РАББИнинъ джевабыны сабырлыкънен бекледим; О, манъа якъынлашып, къычыргъанымны эшитти.
-
|Salmos 39:3|О, мени къоркъунчлы чукъурдан, балчыкълы батакътан чыкъарып алды. Аякъларымны къаягъа бастырып, адымларымны къатты этти.
-
|Salmos 39:4|О, агъзыма янъы йырны, Алламызгъа макътавларны къойды. Чокъ адамлар буны корип, къоркъаджакълар, РАББИге ишанаджакълар.
-
|Salmos 39:5|Не де бахтлыдыр РАББИге ишангъан, макътанчакъларны ве яланджыларны чагъырмагъан адам!
-
|Salmos 39:6|Я РАББИ, Аллам, Сен чокъ ишлер яптынъ! Санъа ошагъаны ёкъ! Аджайип шейлеринъни ве биз ичюн олгъан ниетлеринъни бильдирмеге истер эдим мен, лякин оларнынъ сайысы ёкъ!
-
|Salmos 39:7|Къурбан ве бахшышларны Сен истемединъ. Сен меним къулакъларымны ачтынъ. Гуна ичюн къурбан ве бутюнлей якъыладжакъ къурбанларны да Сен истемединъ.
-
|Salmos 39:8|О вакъыт мен: «Мына, мен келем; бурулгъан кягъытта, китапта меним акъкъымда язылгъан», — дедим.
-
|Salmos 39:9|Аллам, мен Сенинъ ниетлеринъни беджермеге истейим; Сенинъ Къанунынъ меним юрегимде.
-
|Salmos 39:10|Буюк топлашувда акъикъатынъны айтып бердим, агъызымны ич къапатмадым. Я РАББИ, Сен билесинъ шуны!
