Tua Palavra

|Salmos 92:1| РАББИ — Падишадыр! О, улулыкъкъа кийинген! РАББИ къудретке кийинген ве онен къушангъан! Акъикъатен, дюнья къатты тура ве ич сарсылмаз!

|Salmos 92:2| Сенинъ тахтынъ къадимий замандан берли пекитильген, Сен — асырлардансынъ!

|Salmos 92:3| Озенлер котериле, я РАББИ, озенлер сесини котере, озенлер буюк далгъаларыны котере.

|Salmos 92:4| Чокъ сувларнынъ шувултысындан, денъизнинъ кучьлю далгъаларындан юкъарыдаки РАББИ кучьлюдир!

|Salmos 92:5| Сенинъ шаатлыкъларынъ пек ишанчлыдыр, Эвинъе эбедий мукъаддеслик яраша, я РАББИ!