Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Salmos 98:1|РАББИ — Падишадыр, титресин халкълар! Керувлар устюнде отура О, ер юзю къалтырасын!
-
|Salmos 98:2|Сионда РАББИ улудыр, Юджедир О, бутюн халкълардан устюндир!
-
|Salmos 98:3|Сенинъ улу ве къоркъунчлы Адынъны шуретлесинлер! О — мукъаддестир!
-
|Salmos 98:4|Падиша къудретлидир, О, адалет севе! Сен догърулыкъны къургъансынъ, Якъупнынъ союна адалет ве акъикъатны косьтергенсинъ.
-
|Salmos 98:5|Юксельтинъиз Алламыз олгъан РАББИни, Онынъ аякълары астына йыкъылып ибадет этинъиз! О — мукъаддестир!
-
|Salmos 98:6|Онынъ руханийлери арасында Муса ве Харун бар эди, Смаил де Онынъ Адыны чагъыргъанлар ичинде эди. Олар РАББИни чагъыргъанда, О, оларны эшите эди.
-
|Salmos 98:7|О, булут дирегинден оларнен субетлешти, олар исе О берген шаатлыкъларны ве низамнамени сакълап туттылар.
-
|Salmos 98:8|Алламыз олгъан РАББИ, Сен оларгъа джевап бердинъ. Сен оларгъа багъышлайыджы Алла олдынъ, лякин ишлери ичюн джезалайыджы да эдинъ.
-
|Salmos 98:9|Алламыз олгъан РАББИни юксельтинъиз, азиз дагъында Онъа ибадет этинъиз, чюнки Алламыз олгъан РАББИ мукъаддестир!
