Tua Palavra

|Salmos 54:1| Баш чалгъыджы ичюн. Телли чалгъы алетлеринде. Давутнынъ маскили.

|Salmos 54:2| Эй, Алла, меним дувамны эшит, ялваргъанымдан юзь чевирме!

|Salmos 54:3| Манъа дикъкъат эт, джевап бер манъа! Мен къасевет этип, озюмни джойдым.

|Salmos 54:4| Душман сесини котере, ярамай адам манъа зулум кетире. Олар мени белягъа тюшюрелер, ачувнен манъа душманлыкъ япалар.

|Salmos 54:5| Ичимде юрегим сызлай, башыма олюм дешетлери тюшти.

|Salmos 54:6| Къоркъу ве титрев мени басты, дешет юрегимни къаплады.

|Salmos 54:7| Мен айттым: «Ким манъа, гогерджиннинъ къанатлары киби, къанат берер эди? Мен учып кетер ве раат олур эдим.

|Salmos 54:8| Узакъларгъа учып кетип, чёльде къалыр эдим. Сэла

|Salmos 54:9| Фуртунадан, борандан тез къачып, сакъланмагъа бир ер тапар эдим».

₁₀

|Salmos 54:10| Я РАББИ, Сен оларны шашмалат, ниетлерини ерине кетирмеге ёл берме, чюнки шеэрде тек зулум ве къавгъа корем.