Tua Palavra

|Salmos 9:1| Баш чалгъыджы ичюн. Алмут лаббен. Давутнынъ зебуры.

|Salmos 9:2| Джан-юректен РАББИге шукюр этерим, Сенинъ аджайип ишлеринънинъ эписини айтып берерим!

|Salmos 9:3| Санъа къуванып, тантана этерим, Адынъа чалгъы чаладжагъым, эй, Юдже Алла!

|Salmos 9:4| Меним душманларым артына къайттылар, Сенинъ огюнъде сюрюнип, ёкъ олып кеттилер.

|Salmos 9:5| Сен суд этип, меним давамны чездинъ, тахткъа отурдынъ, адалетли суд эттинъ.

|Salmos 9:6| Сен халкъларны сёгдинъ, инсафсызны ёкъ эттинъ, эбедиен оларнынъ адларыны ер юзюнден сильдинъ.

|Salmos 9:7| Душманларны бутюнлей дарма-дагъын эттинъ, шеэрлеринде таш устюнде таш къалдырмадынъ, олардан хатыра биле къалмады.

|Salmos 9:8| РАББИ эбедиен падишалыкъ этер, суд этмек ичюн, О, тахтыны ерлештирди.

|Salmos 9:9| О, дюньяны адалетнен суд этеджек, халкъларгъа догъру укюм чыкъараджакъ.

₁₀

|Salmos 9:10| Эзиетленгенлер ичюн РАББИ — сыгъынакътыр, беля заманларда О — сакъланмакъ ичюн ердир.