Tua Palavra

₂₁

|Salmos 103:21| Яш арсланлар ав къыдырып окюре, Алладан аш истейлер.

₂₂

|Salmos 103:22| Кунеш чыкъкъанда, олар топланалар, юваларына къайтып, яталар.

₂₃

|Salmos 103:23| Инсан исе озь ишине чыкъа, акъшамгъадже чалышмакъ ичюн.

₂₄

|Salmos 103:24| Я РАББИ, Сенинъ ишлеринъ не къадар чокътыр! Эр шейни икметнен яраттынъ, ер Сенинъ иджадынънен толу.

₂₅

|Salmos 103:25| Мына, буюк, уджу корюнмеген денъиз! Анда махлюкъларнынъ сайысы ёкъ, уфакъ ве буюк джанлылар бар.

₂₆

|Salmos 103:26| Денъизде гемилер ялдай, Сен, анда ойнасын деп, яраткъан ливьятан ⁹ да мында.

₂₇

|Salmos 103:27| Оларнынъ эписи Санъа умют этелер, озь вакътында ашымызны берсин деп, беклейлер.

₂₈

|Salmos 103:28| Оларгъа берсенъ, алалар, къолунъны ачкъанынъда, эйилигинъе тоялар.

₂₉

|Salmos 103:29| Юзюнъни сакълагъанынъда, олар пек къоркъа, нефеслерини кессенъ, ёкъ олалар ве кене топракъкъа къайталар.

₃₀

|Salmos 103:30| Озь джан берген Рухунъны ёлласанъ, яратылалар, ер юзюне Сен янъы къыяфет бересинъ.