Tua Palavra

₁₁

|Salmos 17:11| Керувнынъ устюне минип, учты, ельнинъ къанатларында авеледи.

₁₂

|Salmos 17:12| Озюни къаранлыкънен орьтти, къара, сувдан агъырлашкъан булутларгъа сарылды.

₁₃

|Salmos 17:13| Онынъ къаранлыгъы огюнде йылтырагъан нур джайыла, ондан бурчакъ ве комюр алеви чыкъа.

₁₄

|Salmos 17:14| РАББИ коклерден гудюрдеди, Юдже Алланынъ сеси котерильди, бурчакъ ве атешли комюр ёллады.

₁₅

|Salmos 17:15| О, окълар атып, душманларыны дагъытты, йылдырымнен оларны шашмалатты.

₁₆

|Salmos 17:16| РАББИнинъ къоркъунчлы сесинден, Онынъ ачувлы нефесинден денъизнинъ сув башы ачылды, ер юзюнинъ темеллери корюнди.

₁₇

|Salmos 17:17| Юкъарыдан элини узатып, О, мени алды, терен сувлардан чыкъарды,

₁₈

|Salmos 17:18| кучьлю душмандан сакълады, мени кореджек козю олмагъанлардан, менден кучьлю душманларымдан къорчалады.

₁₉

|Salmos 17:19| Башыма беля тюшкенде, олар манъа уджюм эттилер, лякин РАББИ манъа ярдым этти.

₂₀

|Salmos 17:20| О, мени чаресиз алдан чыкъарды, менден разы олгъаны ичюн, мени къуртарды.