Tua Palavra

₁₁

|Salmos 32:11| РАББИнинъ ниети исе эбедий тура, Онынъ юрегининъ мурады несильден несильге кече.

₁₂

|Salmos 32:12| Не де бахтлыдыр «РАББИ — Алламыз» деген халкъ! РАББИ Озюне сайлагъан халкъ не де бахтлыдыр!

₁₃

|Salmos 32:13| РАББИ коктен бакъа, бутюн инсан огъулларыны коре.

₁₄

|Salmos 32:14| О, Озь отургъан еринден ер юзюнде яшагъанларнынъ эписини коре.

₁₅

|Salmos 32:15| О, бутюн адамларнынъ юрегини яраткъан, инсан ишлерини бутюнлей анълай.

₁₆

|Salmos 32:16| Аскерлери чокъ олса да, падиша къуртуламаз, батырнынъ буюк къудрети онынъ озюни къорчаламаз.

₁₇

|Salmos 32:17| Адам аткъа бошуна умют этер, бу ат буюк къуветинен кимсени къуртарып оламаз.

₁₈

|Salmos 32:18| Мына, РАББИ Ондан къоркъкъан адамларны, Онынъ севгисине ишангъан адамларны коре.

₁₉

|Salmos 32:19| Олар: «Алла бизим джанларымызны олюмден къуртарыр, ачлыкъ вакътында бизни сакълар», — деп беклейлер.

₂₀

|Salmos 32:20| Джанымыз РАББИге ишана. О, бизге ярдым этер ве бизни къорчалар.