Tua Palavra

₄₁

|Salmos 118:41| Берген Сёзюнъе коре, я РАББИ, буюк севгинъ ве къуртарувынъ манъа кельсин!

₄₂

|Salmos 118:42| О вакъыт мени акъаретлегенлерге джевап берерим, чюнки Сенинъ Сёзюнъе ишандым.

₄₃

|Salmos 118:43| Агъзымдан акъикъат сёзлерини бутюнлей тартып алма, мен Сенинъ къарарларынъа умют багъладым.

₄₄

|Salmos 118:44| Сенинъ Къанунынъны мен эр вакъыт, даима ве эбедиен сакъларым.

₄₅

|Salmos 118:45| Юрегим сербест олып юрерим, чюнки къаиделеринъни къыдырдым.

₄₆

|Salmos 118:46| Падишалар огюнде шаатлыкъларынъ акъкъында айтарым, эм де ич утанмам.

₄₇

|Salmos 118:47| Мен Сенинъ эмирлеринъден зевкъ алырым, чюнки оларны севдим.

₄₈

|Salmos 118:48| Къолларымны севген эмирлеринъе узатырым, низамнамелеринъни теренден тюшюнирим.

₄₉

|Salmos 118:49| Къулунъа берген сёзюнъни хатырла, бунынънен умют бердинъ манъа!

₅₀

|Salmos 118:50| Беля кельген куньде о манъа теселлидир, чюнки Сёзюнъ мени джанландырды.