Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
O‘zbek tilidagi Muqaddas Kitob 
-
Ishayo bo‘lajak shoh haqida bashorat qiladi
-
|Isaías 9:1|Biroq kulfatli joyda endi azob bo‘lmaydi. Boshida Zabulun va Naftali yurti 1 sharmanda bo‘lgan edi. Ammo kelajakda o‘sha dengiz bo‘yi, Iordanning narigi tomonidagi g‘ayriyahudiylar Jalilasi ulug‘lanadi.
-
|Isaías 9:2|Zulmatda yurgan xalq yorqin ziyoni ko‘rdi, O‘lim soya solgan yurt aholisi ustiga nur sochildi.
-
|Isaías 9:3|Bu xalqni Sen ko‘paytirgansan, Ularga ko‘p shodlik ato qilgansan. Hosil paytidagi mamnunlik kabi, O‘ljalarin bo‘lishib olgan paytdagi kabi, Ular huzuringda quvonchga to‘lgan.
-
|Isaías 9:4|Bu xalqning og‘ir bo‘yinturug‘ini, Yelkasidagi tayog‘ini Sen sindirib tashlagansan. Zolimlarning kaltagini Midiyon xalqi kabi 2Mag‘lub qilgansan.
-
|Isaías 9:5|Jangda kiyilgan etiklar, Qonga belangan hamma kiyim Olovga tashlanib, yoqilajak.
-
|Isaías 9:6|Mana biz uchun bola tug‘ildi, O‘g‘il bizga berildi. Hukmronlik Uning zimmasidadir, Nomi Ajoyib maslahatchi 3, Qudratli Xudo, Abadiy ota, Tinchlik shahzodasidir.
-
|Isaías 9:7|Dovudning taxtida Uning hukmronligi ortib boraveradi. Tinchlik to abad hukm suradi. Hozirdan boshlab, to abad Adolat va solihlik ila Shohligini mustahkamlab, barqaror qiladi. Sarvari Olam jon kuydirib,Buni bajo aylaydi.
-
Xudoning Isroilga bo‘lgan g‘azabi
-
|Isaías 9:8|Yoqub nasliga qarshiRabbiy bir so‘z yubordi,Uning so‘zi Isroil xalqiga yetib keldi.
-
|Isaías 9:9|Efrayimda 4,Samariyada yashaydiganlar,Jamiki xalq bundan xabardor bo‘ldi. Ular dimog‘dorlik, kiborlik ila aytmoqda:
-
|Isaías 9:10|“G‘ishtin imoratlar vayron bo‘lsa, Yo‘nilgan toshlar bilan quramiz. Shikamora–anjir daraxtlari kesilgan bo‘lsa, Ularning o‘rniga sadr daraxtlari 5 ekamiz.”
