Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
O‘zbek tilidagi Muqaddas Kitob 
-
Shukrona qo‘shig‘i
-
|Isaías 25:1|Ey Egam , Sen mening Xudoyimsan.Sen ajoyib ishlar qilgansan, Men Seni sharaflayman. Qadim davrlardan rejalar tuzgansan, Ular sadoqatli va ishonchlidir.
-
|Isaías 25:2|Yakson qilding dushmanlarimiz qal’alarini, Vayronaga aylantirding mustahkam shaharlarini, Yo‘q qilding uzoq yurtdagi ajoyib saroylarini, Ular hech qachon qayta tiklanmas.
-
|Isaías 25:3|Endi kuchli xalqlar Seni izzat qiladi, Shafqatsiz xalqlar Senga sajda qiladi.
-
|Isaías 25:4|Kambag‘al, bechoralar kulfatda qolganda, Sen ularga boshpana bo‘lding. Peshindagi jaziramadan soya, Jaladan panoh bo‘lding. Vahshiy g‘animlarning hujumi bo‘ronday bo‘ldi. Sen esa bizning panohimiz bo‘lding.
-
|Isaías 25:5|Dushman shovqin–suroni Sahro issig‘i kabi bo‘lganda, Jazirama issiqni Sen Bulutlar soyasi ila bosding. Dushmanning sevinch qo‘shig‘i Sadolarini o‘chirding.
-
Xudo ziyofat tayyorlaydi
-
|Isaías 25:6|Bu tog‘da 1 Sarvari Olam Jamiki xalqlar uchun Ajoyib ziyofat tayyorlar. Boy dasturxon, sara sharoblar, Yog‘li go‘shtlar, tiniq sharob tortiladi.
-
|Isaías 25:7|O‘sha kuni Egam jamiki xalqlar ustidan Kafanlarini yechib tashlaydi. Mana shu tog‘da Egam Xalqlarni o‘ragan, elatlar ustidagi Yopinchiqni olib tashlaydi. Ha, U o‘limni butunlay yutib yuboradi.
-
|Isaías 25:8|Egam Xudo hammaning ko‘z yoshlarini artib qo‘yadi,Butun yer yuzida O‘z xalqining uyatini olib tashlaydi. Ha, Egam shunday deb aytgan!
-
|Isaías 25:9|O‘sha kuni ular shunday deydilar: “Mana, bizning Xudoyimiz, Qutqarsin, deb uni kutgandik, U bizga najot berdi. Kelinglar, quvonaylik, sevinaylik! Umid qilib kutgandik, Mana, bizning Egamiz .”
-
Xudo Mo‘abni jazolaydi
-
|Isaías 25:10|Egamning O‘zi bu tog‘ni himoya qilar. Mo‘ab 2 xalqi yanchilgan somonday ezilar,Chiritish uchun go‘ng chuqurga uloqtirilar.
