Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
O‘zbek tilidagi Muqaddas Kitob 
-
Quddusdagi betartiblik
-
|Isaías 3:1|Sarvari Olam —Rabbiy endi Quddus vaYahudo xalqiga har turli ta’minot hamda madad bermay qo‘yadi. Ularni non va suvdan bebahra qilyapti.
-
|Isaías 3:2| Jangchilar va askarlardan, hakamlar va payg‘ambarlardan, folbinlar va oqsoqollardan mahrum qilyapti.
-
|Isaías 3:3| Ellikboshi va amaldorlardan, maslahatchilardan, mohir ustalar va “dono” afsungarlardan judo qilyapti.
-
|Isaías 3:4|Egam aytar: “Bolalar hukmron bo‘lar bu xalq ustidan,Aqlsizlar hukmronlik qilar ular tepasidan.”
-
|Isaías 3:5|Xalq bir–biriga zulm qiladi, Har kim do‘stiga dushman bo‘ladi. Haqorat qilar yosh yigit oqsoqolni, Sharmanda odam esa obro‘li odamni.
-
|Isaías 3:6|Odamlar o‘z yaqinini ushlab olib, O‘sha qarindoshiga shunday deydilar: “Ustingda kiyiming bor ekan, Bizga bosh bo‘la qol. Mana bu vayronalar uyumi Sening qo‘l ostingda bo‘ladi.”
-
|Isaías 3:7|U esa o‘sha kuni qasam ichib aytar: “Axir, men shifo bera olmayman, Meni qilmang xalqqa boshliq, Uyimda bor na non, na kiyim.”
-
Hukmning natijasi
-
|Isaías 3:8|Ha, Quddus ham, Yahudo ham quladi. Xalqining tillari, ishlari Xudoga qarshidir. Egamning shuhratini ular yerga bulg‘adi.
-
|Isaías 3:9|Yuzlari guvohlik berib turar, Ular Sado‘m 1 kabi gunohlarini oshkor qilar. Ha, gunohlarini ular yashirmas. Eh, o‘zlari boshlariga keltirar kulfat! Ularning holiga voy!
-
|Isaías 3:10|Solihlarga esa yaxshilik ko‘rasan, deb ayting, Ular o‘z ishlarining samarasidan lazzat topadi.
