Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Карақалпақ тилиндеги Мухаддес Китап 
-
|Génesis 29:1| Яқып жолын даўам етип, шығыс халықларының жерлерине жетип келди.
-
|Génesis 29:2| Ол сол жердеги далада бир қудықты ҳәм қудықтың жанында жатырған үш сүриў қойды көрди. Өйткени қойлар сол қудықтан суўғарылатуғын еди. Қудықтың аўзында үлкен тас бар еди.
-
|Génesis 29:3| Барлық сүриўлер ол жерге жыйналғанда, шопанлар қудықтың аўзынан тасты алып қойып, қойларды суўғаратуғын еди. Соңынан олар тасты және өз орнына, қудықтың аўзына қоятуғын еди.
-
|Génesis 29:4| Яқып шопанлардан: — Ҳәй, туўысқанларым, қай жерденсизлер? — деп сорады. Шопанлар оған: — Бизлер Хараннанбыз, — деп жуўап берди.
-
|Génesis 29:5| Яқып олардан: — Нахордың ақлығы Лабанды таныйсызлар ма? — деп сорады. — Аўа, таныймыз, — деп жуўап берди олар.
-
|Génesis 29:6| Яқып олардан және: — Оның ҳал-жағдайы жақсы ма? — деп сорады. Олар: — Жақсы, әне, оның қызы Раҳила қойларын айдап киятыр, — деди.
-
|Génesis 29:7| Яқып оларға: — Күн батыўға еле көп ўақыт бар, ҳәзир сүриўди жыйнайтуғын ўақыт емес-ғо. Қойларыңызды суўғарып болып, және отлатып қайтқаныңыз жақсы емес пе? — деди.
-
|Génesis 29:8| Шопанлар: — Барлық сүриўлерди жыйнап, қудықтың аўзындағы тасты алып таслағанымыздан кейин ғана, бизлер қойларды суўғара аламыз, — деди.
-
|Génesis 29:9| Яқып шопанлар менен сөйлесип турғанда, Раҳила әкесиниң қойлары менен келип қалды. Себеби ол қой бағатуғын еди.
-
|Génesis 29:10| Яқып дайысы Лабанның қызы Раҳиланы ҳәм оның қойларын көргенде қудыққа барып, оның аўзындағы тасты алып таслады да, дайысы Лабанның қойларын суўғарды.
