Tua Palavra

|Génesis 25:1| Ибрайым және Қатура деген ҳаялға үйленди.

|Génesis 25:2| Ол Ибрайымға Зимран, Иоқшан, Медан, Мидян, Ишбақ ҳәм Шуах атлы балаларды туўып берди.

|Génesis 25:3| Иоқшаннан Шеба менен Дедан туўылды. Деданның урпақларынан ашшур, летуш ҳәм леум халықлары келип шықты.

|Génesis 25:4| Мидянның уллары: Эфа, Эфер, Ханох, Абида ҳәм Элдаа. Булардың ҳәммеси Ибрайымның Қатурадан туўылған урпақлары еди.

|Génesis 25:5| Ибрайым өзиниң барлық мал-мүлкин Ысаққа қалдырды.

|Génesis 25:6| Ал тоқалларының балаларына көзиниң тири ўақтында саўғалар берип, оларды Ысақтан узақластырып, шығыстағы жерлерге жиберди.

|Génesis 25:7| Ибрайым барлығы болып бир жүз жетпис бес жыл өмир сүрди.

|Génesis 25:8| Ол ғаррылық дәўранын сүрип, узақ жасады, қартайған шағында деми таўысылып, қайтыс болды ҳәм өз ата-бабаларына қосылды.

|Génesis 25:9| Уллары Ысақ ҳәм Исмайыл оны Мамреге жақын жердеги, хетт халқынан болған Сохардың улы Эфронның атызындағы Махпела үңгирине қойды.

₁₀

|Génesis 25:10| Ибрайым бул атызды хеттлерден сатып алған еди. Солай етип, Ибрайым ҳәм оның ҳаялы Сара сол жерге қойылды.