Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Свето Писмо (Гаврилова) 
-
Помор. Струпје. Град.
-
|Êxodo 9:1| Тогаш му рече Господ на Мојсеја: »Влези при Фараонот и кажи му: ‚Вака вели Господ, Бог на Евреите: пушти го народот Мој, за да ми изврши служба.‘
-
|Êxodo 9:2| Оти, ако не го пуштиш, па и понатаму го задржуваш,
-
|Êxodo 9:3| еве, раката Господова ќе дојде врз добитокот твој во полето, врз коњите, врз ослите, врз камилите, врз говедата и врз овците — и многу голем помор ќе настане.
-
|Êxodo 9:4| И во она време ќе направам чуда меѓу добитокот на синовите Израилеви; и од сиот добиток на синовите Израилеви нема ништо да загине.«
-
|Êxodo 9:5| И определи Господ време, велејќи: »Утре ќе го направи тоа Господ на земјата.«
-
|Êxodo 9:6| И го изврши тоа Господ утредента, и сиот добиток египетски исцрка; а од добитокот на синовите Израилеви ништо не загина.
-
|Êxodo 9:7| И виде Фараонот дека од добитокот Израилев не беше загинато ниту едно грло. Но Фараоновот срце одново отврдна, и тој пак не го пушти народот.
-
|Êxodo 9:8| Тогаш му рече Господ на Мојсеја и на Арона, велејќи: »Земете полни раце пепел од печката, и Мојсеј нека ја фрли пред Фараонот и пред слугите негови спрема небото;
-
|Êxodo 9:9| и ќе се дигне прав по целата земја Египетска; а од неа ќе се појават воспаленија и на луѓето, и на доботокот по целата земја Египетска.«
-
|Êxodo 9:10| И зедоа пепел од печката, и застанаа пред Фараонот, па ја фрли Мојсеј спрема небо, и се појавија гнојни струпје по луѓето и по добитокот.
