Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Карақалпақ тилиндеги Мухаддес Китап 
-
|Génesis 38:21| Сонда достысы сол жердиң адамларынан: — Энайымда, жол шетинде бир бузық ҳаял бар еди, ол қаяқта? — деп сорады. Олар: — Бул жерде ондай ҳаял жоқ, — деп жуўап берди.
-
|Génesis 38:22| Достысы Яҳуданың жанына қайтып келип: — Ҳаялды таба алмадым. Сол жердиң адамлары да ол жерде ҳеш қандай бузық ҳаялдың болмағанын айтты, — деди.
-
|Génesis 38:23| Яҳуда: — Мейли, сол затлар ҳаялда қала берсин. Тек ҳеш кимге масқара болмасақ болғаны. Мен ылақты жиберген едим, бирақ сен ҳаялды таба алмадың, — деди.
-
|Génesis 38:24| Шама менен үш айдай ўақыт өткенде, Яҳудаға: «Келиниң Тамара бузықшылық ислепти, ол ҳәзир ҳәмиледар», — деген хабар жетти. Сонда Яҳуда: «Оны далаға алып шығып, жағып жибериңлер», — деди.
-
|Génesis 38:25| Тамараны далаға алып шыққанда, ол қәйин атасына: «Мен мына затлардың ийесинен ҳәмиледар болдым. Анықлап қараң, бул мөр, оның жиби ҳәм ҳаса кимдики?» — деп хабар жиберди.
-
|Génesis 38:26| Яҳуда затларды танып: «Ҳақыйқатлық ол тәрепте, себеби мен оны улым Шелаға алып бермедим», — деди. Соннан кейин, Яҳуда Тамара менен қайтып жақынласқан жоқ.
-
|Génesis 38:27| Тамараның туўыў ўақты келгенде, қарнында егиз бала барлығы мәлим болды.
-
|Génesis 38:28| Ол босанып атырған ўақытта, егизлердиң бири қолын сыртқа шығарды. Киндик шешеси баланың қолын услап: «Бул биринши болып туўылды», — деп оның билегине қырмызы жип байлап қойды.
-
|Génesis 38:29| Бирақ ол қолын ишке тартып алды ҳәм сол ўақытта оның сыңары туўылды. Сонда киндик шешеси: «Сен қалайынша тосқынлықты бузып өттиң?» — деди. Сонлықтан оған Перес 69 деп ат қойылды.
-
|Génesis 38:30| Соңынан билегине қырмызы жип байланған оның сыңары туўылды. Оған Зерах 70 деп ат қойды.
