Tua Palavra

|Job 6:1| Сонда Аюп былай деп жуўап берди:

|Job 6:2| — Аҳ, егер мениң шегип атырған қайғым өлшенип, Мен көрген апатшылық тәрезиге тартылса еди!

|Job 6:3| Олар теңиз қумынан да аўыр болар еди. Сонлықтан ойланбай сөйледим.

|Job 6:4| Қүдирети күшли Қудайдың оқлары денеме қадалды, Руўхым олардың зәҳәрин ишпекте, Қудай жиберген қорқыныш маған қарсы сапқа дизилген.

|Job 6:5| Қуланның жайлаўда оты мол болса, аңқырар ма еди? Ямаса өгиз ақырының басында мөңирер ме еди?

|Job 6:6| Аўқаттың дузсыз дәми бола ма? Ямаса мәйектиң ақ уўызында дәм бар ма?

|Job 6:7| Бундай аўқатлардан дәм татқым келмейди, Ондай аўқатлардан жүрегим айныйды.

|Job 6:8| Егер тилегим орынланып, Қудай әрманыма жеткизсе еди!

|Job 6:9| Қудай мени езип тасласа еди, Қолын созып жанымды алса еди!

₁₀

|Job 6:10| Сонда мен жубаныш табар едим, Қатты аўырып атырсам да, қуўанар едим. Себеби мен мухаддес Қудайдың сөзлеринен жүз бурмадым.