Tua Palavra

|Job 31:1| Қызларға қумарланып қарамаў ушын, Көзлерим менен келисим дүздим.

|Job 31:2| Аспандағы Қудайдан алатуғын пайым не болады? Жоқарыдағы Қүдирети күшли Қудайдан берилген мийрасым не болады?

|Job 31:3| Ол әдалатсызлардың басына апат, Жаўызлық қылғанлардың басына бәле жаўдырмай ма?

|Job 31:4| Ол мениң жолларымды көрип, Ҳәр бир адымымды санамай ма?

|Job 31:5| Егер мен жалған жолдан жүрип, Аяғым ҳийлеге асықса,

|Job 31:6| Қудай мени туўры тәрезиге тартсын, Ҳәм Ол мениң пәклигимди билсин.

|Job 31:7| Егер аяқларым туўры жолдан тайған, Жүрегим көзлериме бойсынған, Ямаса қолларым ҳарамланған болса,

|Job 31:8| Онда еккен егинимниң өнимин басқалар жесин, Егинлерим тамыры менен суўырылып қалсын.

|Job 31:9| Егер бир ҳаял арқалы жүрегим азғырылса, Қоңсымның қапысы алдында оның ҳаялын аңлыған болсам,

₁₀

|Job 31:10| Онда мениң ҳаялым басқаның бийдайын тартсын, Басқа еркеклер оның менен жатсын.