Tua Palavra

|Job 15:1| Сонда теманлы Элифаз былай деп жуўап берди:

|Job 15:2| — Қарнын ыссы самалға толтырғандай, Дана адам бундай ҳаўайы сөзлер менен жуўап бере ме?

|Job 15:3| Пайдасыз сөзлер менен айтысып, Мәниссиз гәплер айтып, тартысар ма еди?

|Job 15:4| Ҳақыйқаттан да, сен Қудайдан қорқыўды шетке ысырып қойдың, Оның алдында дуўа етиўди де болар-болмас нәрсе деп санадың.

|Job 15:5| Гүналарың аўзыңа сөз салып тур, Ҳийлекерлердиң тили менен сөйлеп турсаң.

|Job 15:6| Сени айыплап атырған мен емес, ал өз аўзың, Тилиң өзиңе қарсы гүўалық берип тур.

|Job 15:7| Сен не адамзаттың туңғышымысаң? Ямаса төбелер жаратылмастан да бурын туўылғанбысаң?

|Job 15:8| Қудайдың мәжилисине қатнасып, Оны тыңлап па едиң? Ямаса дана адам тек жалғыз өзиңбисең?

|Job 15:9| Сен билип, биз билмейтуғын не нәрсе екен? Сен түсинип, биз түсинбейтуғын не нәрсе екен?

₁₀

|Job 15:10| Арамызда ақ шашлылар да, ғаррылар да бар, Олардың жасы сениң әкеңнен де үлкен.